У 10-м класе вы пазнаёміцеся з вельмі важным паняццем вытворнай функцыі і даведаецеся, як пры дапамозе вытворнай можна вызначыць некаторыя ўласцівасці функцыі. Вы таксама будзеце вывучаць трыганаметрычныя выразы і трыганаметрычныя функцыі, паказваць відарысы графікаў такіх функцый, рашаць трыганаметрычныя ўраўненні.

Практыкаванні ў вучэбным дапаможніку нумаруюцца па раздзелах. Лік перад кропкай абазначае нумар раздзела, лік пасля кропкі — нумар практыкавання ў гэтым раздзеле. Напрыклад, 1.15 — гэта 15-е практыкаванне з 1-га раздзела. Аналагічна пункт тэорыі 3.7 абазначае 7-ы пункт з 3-га раздзела.

Сярод практыкаванняў сустракаюцца нумары з кружком (напрыклад, 2.20°), з зорачкай (напрыклад, 1.111*) і нумары без абазначэнняў (напрыклад, 2.38). Кружком пазначаны практыкаванні, якія павінны ўмець рашаць усе навучэнцы. Астатнія заданні адрасаваны тым, хто хоча лепш ведаць алгебру і атрымліваць адзнакі, вышэйшыя, чым 5—6 балаў. Найбольш цяжкія заданні пазначаны зорачкай.