Дарагія сябры!

У 6-м класе вы працягнеце займацца арыфметыкай і даведаецеся, што такое дзесятковыя дробы і што такое рацыянальныя лікі, навучыцеся выконваць розныя дзеянні з імі. Вы даведаецеся таксама аб прапорцыях і працэнтах, навучыцеся рашаць розныя задачы, працягнеце знаёмства з некаторымі геаметрычнымі фігурамі і іх уласцівасцямі.

Практыкаванні ў вучэбным дапаможніку нумаруюцца па главах. Лік перад кропкай абазначае нумар главы, лік пасля кропкі — нумар практыкавання ў гэтай главе. Напрыклад, 1.81 — 81-е практыкаванне з 1-й главы. Аналагічна нумаруюцца і пункты тэорыі. Пункт 7.3 абазначае 3-і пункт з 7-й главы.

Практыкаванні, адзначаныя нумарамі з кружочкамі, напрыклад 2.53°, павінен умець рашаць кожны вучань. Усе астатнія заданні адрасаваны тым, хто жадае паглыбіць свае веды. Найболын цяжкія заданні адзначаны нумарамі з зорачкамі, напрыклад 5.20*.

Важныя звесткі выдзелены ў тэксце рознымі шрыфтамі або адзначаны на палях клічнікам.

Шалі намаляваны там, дзе ёсць магчымасць параўноўваць варыянты рашэння.

Матэрыял, змешчаны паміж трохвугольнікамі, прызначаны для тых, хто цікавіцца матэматыкай і збіраецца сур’ёзна вывучаць яе і далей.

Жадаем поспехаў!