Дарагія сябры!

Вы пазнаёміцеся з новым вучэбным прадметам «Мастацтва». Пасадзейнічае ў гэтым вучэбны дапаможнік, які адкрые вам асаблівы свет — свет мастацтва. Ён напоўнены дзіўнымі фарбамі і гукамі, «гаваркімі» лініямі і формамі, выразнымі словамі і рухамі. Вы будзеце вучыцца разумець і адчуваць гэты дзіўны свет. Даведаецеся, што кожны твор непаўторны і ўнікальны. У адным знаходзіць адлюстраванне жыццё канкрэтнага чалавека, у іншым — лёс краіны або нават усяго чалавецтва.

У падарожжы вам дапамогуць каляровыя ілюстрацыі. Вы пазнаёміцеся з выдатнымі помнікамі архітэктуры, творамі выяўленчага і дэкаратыўна-прыкладнога мастацтва, літаратуры, музыкі, кіно.

Каб твор мастацтва адкрыў вам свае таямніцы, ставіцца да яго трэба вельмі паважліва. Будзе выдатна, калі вы з сябрамі і бацькамі будзеце фантазіраваць, выдумляць, ажыццяўляць творчыя задумы. Так вы зможаце таксама паспрабаваць сябе ў ролі мастака.

У вучэбным дапаможніку вам прапануецца шмат заданняў. Кожнае з іх — толькі зыходны пункт цікавага падарожжа, у якім мастак — менавіта вы. Веды і вопыт, атрыманыя на ўроках выяўленчага мастацтва і музыкі, абавязкова дапамогуць вам.

Разважайце, дзяліцеся сваімі ўражаннямі, задавайце адзін аднаму пытанні, наведвайце музеі і выставы, хадзіце ў тэатры, глядзіце кінафільмы і тэлеперадачы! I вам захочацца стварыць свой мастацкі твор. А вучэбны дапаможнік пасадзейнічае вам у гэтым, падкажа ідэі.

Ствараць — тэта вялікае задавальненне. А якая радасць, калі твор знаходзіць свайго прыхільніка.

У добры шлях!