Шаноўныя дзесяцікласнікі!

Гэты дапаможнік спатрэбіцца вам для падрыхтоўкі да ўрокаў, экзаменаў і ўступных іспытаў па матэматыцы, а таксама для паглыблення ведаў па алгебры.

Кніга складаецца з 6 раздзелаў, кожны з якіх падзелены на параграфы.

У раздзелах 3, 4 і 5 размешчаны заданні па тэмах, якія адпавядаюць вучэбнаму дапаможніку «Алгебра, 10». Сярод іх сустрэнуцца таксама і заданні з нестандартнымі ўмовамі.

Раздзелы 1, 2 і 6 прапануюцца для вывучэння матэматыкі на павышаным узроўні. Кожны параграф у гэтых раздзелах уключае:
• новы тэарэтычны матэрыял і метады яго прымянення; алгарытмы;
• важныя правілы і асноўныя прыклады з рашэннямі і падрабязным апісан-нем паслядоўнасці дзеянняў;
• трэніровачныя практыкаванні і ўзоры прымянення тэорыі ў заданнях з нестандартнымі ўмовамі.

У кнізе вы сустрэнеце наступныя ўмоўныя абазначэнні:
— новы тэарэтычны матэрыял і метады яго прымянення;
— алгарытмы;
— матэрыял павышанага ўзроўню;
— трэніровачныя практыкаванні;
— дадатковы матэрыял для паглыблення матэматычных ведаў.

Для абагульнення вывучанага раней матэрыялу ў вучэбным дапаможніку размешчаны раздзел «Паўтарэнне. Тэматычныя тэсты».

Дадатковыя матэрыялы да кнігі, а таксама адказы да трэніровачных практыкаванняў можна знайсці на сайце http://e-vedy.adu.by, курс «Матэматыка».

Жадаем поспехаў!