Авалодаць ведамі школьнага курса фізікі — гэта значыць не толькі навучыцца разумець фізічныя з'явы і заканамернасці, але і ўмець прымяняць іх на практыцы. Любое выкарыстанне агульных палажэнняў фізікі для рашэння канкрэтнага, прыватнага пытання ёсць рашэнне фізічнай задачы. Умение рашаць заданы робіць веды дзейснымі, якія практична прымяняюцца.

Дадзены зборнік задач адпавядае вучэбнай праграме базавага і павышанага ўзроўняў і прызначаны для вучняў 10-га класа. Зборнік уключае якасныя, графічныя і разліковыя задачы рознага ўзроўню складанасці па двух раздзелах: «Малекулярная фізіка» і «Электра дынаміка». Зорачкай (*) адзначаны задачы і формулы для павышанага ўзроўню. У пачатку кожнай тэмы прыводзяцца кароткія звесткі з тэорыі фізікі, неабходныя пры рашэнні задач па дадзенай тэме. У межах кожнай тэмы задачы размешчаны ў парадку ўзрастання складанасці. У канцы зборніка размешчаны адказы да задач. Пры рашэнні шматлікіх задач, дзе неабходна, варта выкарыстоўваць даведачныя даныя, прыведзеныя ў табліцах, размешчаных у дадатку ў канцы кнігі. У некаторых задачах патрабуецца выкарыстоўваць значэнні фізічных канстант, якія адрозніваюцца ад значэнняў, указаных у даведніку. У такіх выпадках значэнні фізічных канстант прыводзяцца ў тэкстах задач. Напрыклад, у табліцы фізічных канстант паказана значэнне ўніверсальнаи газаваи пастаяннаи R = 8,31 Дж/моль-К, а ў задачы — R = 8,3 Дж/моль-К. Большасць задач рэкамендуецца рашаць у Міжнароднай сістэме адзінак (СІ). Але калі ў канчатковай формуле фізічныя велічыні, якія ўваходзяць у яе, аднастайныя, то пераводзіць іх у адзінкі СІ неабавязкова.