Біялогія

Оцінити підручник:
5,0 1
Біялогія 8 клас Бядарык Бядарык Іваноў 2018

Біологія. Навчальний посібник для 8 класу закладів загальної середньої освіти з білоруською мовою навчання. (Білоруське видання)

  • Автор: І.Г.Бедарик, О.Є.Бедарик, В.М.Іванов
  • Видавництво: "Адукацыя i выхаванне"
  • Рік видання: 2018
  • Сторінок: 240
  • Формат файлу: pdf

Дарагія васьмікласнікі!

 

У гэтым навучальным годзе на ўроках біялогіі вы працягнеце знаёміцца з жывымі арганізмамі і іх узаемадзеяннем з навакольным асяроддзем. У восьмым класе вы вывучыце новы цікавы раздзел біялогіі — заалогію — навуку пра жывёл.

Вам трэба будзе пазнаёміцца з будовай і асаблівасцямі жыццядзейнасці жывых арганізмаў царства Жывёлы, з разнастайнасцю відаў жывых арганізмаў, іх значэннем у прыродзе і жыцці чалавека.

Вучэбны дапаможнік уключае дзевяць раздзелаў. Прыступаючы да вывучэння главы, прачытайце ўводны тэкст і інфармацыю пра тое, аб чым вы даведаецеся і чаму навучыцеся. Раздзелы складаюцца з параграфаў.

Тэкст параграфаў уключае асноўны матэрыял і дадатковы. Асноўны матэрыял параграфаў, вывучэнне якога абавязкова для ўсіх, змяшчае асноўныя тэрміны і паняцці, вылучаныя тоўстым курсівам. Светлым курсівам вылучаны тэрміны і паняцці, на якіх варта завастрыць увагу пры вывучэнні матэрыялу. Назвы класаў вывучаемых жывёл прыводзяцца сінім курсівам, назвы атрадаў — зялёным курсівам.

Дадатковы матэрыял, пададзены дробным шрыфтам, прадстаўлены некалькімі рубрыкамі і разлічаны на тых, хто захапляецца біялогіяй. Матэрыял на жоўтым фоне паглыбляе і тлумачыць асноўны тэкст. Матэрыял на зялёным фоне — рубрыка «Біялагічныя рэкорды», змяшчае дадатковы матэрыял аб унікальных жывёлах.

У вучэбным дапаможніку кожны параграф пачынаецца з уступнай рубрыкі «Успомніце». Мэта дадзенай рубрыкі — успомніць ра-
ней вывучаны матэрыял, які будзе неабходны ў далейшым.

Пасля тэксту кожнага параграфа ідуць вывады , якія адлюстроўваюць самае важнае, што трэба засвоіць. Таксама ў канцы параграфа пададзены пытанні і заданні, якія дапамогуць вам праверыць засваенне тэмы.

Пасля вывучэння пэўнага класа і тыпу жывёл у кароткай форме пералічваюцца іх асноўныя асаблівасці.

У некаторых параграфах змяшчаюцца рэкамендацыі па правядзенні дамашніх даследаванняў або назіранняў — рубрыкі «Мае біялагічныя даследаванні» і «Мае натуралістычныя назіранні». Гэтыя даследаванні выконваюцца па жаданні вучняў пры наяўнасці адпаведных матэрыялаў.

 

pick_biologiya_be_8_bedarik.pdf
17 MB
6

Схожі матеріали