Paalı üürenicilär!

Sizin önünüzdä kiyat gagauz dilini üürenmää deyni. Aktarın onu, bakın onun içindekisini hem düzüntülüünü. Siz bilersiniz, ani dokuzuncu klasta biter üürenmäk gagauz dilin kursu. Büük klaslarda çekeder eni kurs, bizim eni gezi: “Stilistika”, “Söz kulturası” hem “Ritorika” devletlerindä. Ama diil lääzım unutmaa te o kuralları , angılarmı üürendik şindiyädän. Bu yıl siz genä danışacenız dilin bölä bölümnerinä , nicä “Fonetika”, “Doorusölemäk” , “Dooru yazılmak”, “Leksika”, “Frazeologiya”, “Morfologiya”, “Laf düzülmesi”, “Sintaksis” nem “Noktalama”. Tekrarlayarak stilistika bölümnerini, angılarmnan artık tanıştınız orta klaslarda, onuncu klasta yapacenız analiz, çıkış, kendibaşma çözeceniz türlü işlär, angılarmı hazırladık biz, avtorlar, sizä; süretli açıklayacenız kendi sözünüzü, düzeceniz türlü söleyişlär yazmak hem aazdan formasında, alacenız pay proektlerin düzmeklerindä, yapacenız türlü kontrol hem yaratmalı işlär.

Kiyatta var türlü material te o üürenicilerä deyni , angıları isteer derindän bilmää gagauz dilini.

Kiyatta var türlü meraklı işlär, tekstlär, angılarmdan siz çok işlär eni annayacenız. Nicä söleniler: “Üüren kendin hem üüret başkasını”.

Kiyatta var yazıcıların yaratmaları, gazetalardan hem dergilerdän statyalar, material internettan. Unutmayın göz atmaa resimnerä.

Yaratmalı başarmaklar sizin işinizdä kiyatlan!