Шаноўныя дзевяцікласнікі!

Па гэтай кнізе вы працягнеце вывучэнне алгебры. Кніга складаецца з чатырох раздзелаў, кожны з якіх падзелены на параграфы, дзе вы сустрэнеце наступныя ўмоўныя абазначэнні:
— заданні на паўтарэнне для падрыхтоўкі да вывучэння новага матэрыялу;
— новы тэарэтычны матэрыял і метады яго прымянення;
— алгарытмы;
— важныя правілы і сцверджанні;
— дадатковы матэрыял для паглыблення матэматычных ведаў;
— асноўныя прыклады з рашэннямі і падрабязным апісаннем паслядоўнасці дзеянняў;
— вусныя пытанні і заданні;
— заданні для работы ў класе;
— заданні для дамашняй работы;
— заданні для паўтарэння;
— заданні павышанай складанасці.

Кожны раздзел вучэбнага дапаможніка заканчваецца рубрыкамі «Выніковая самаацэнка», «Практычная матэматыка», «Займальная матэматыка». У іх вы знойдзеце пералік патрабаванняў да засваення тэарэтычнага матэрыялу і практычныя заданні для самаправеркі, задачы на прымяненне матэматыкі ў разнастайных галінах жыцця, а таксама задачы для тых, хто захапляецца матэматыкай.

Для абагульнення раней вывучанага матэрыялу ў вучэбным дапаможніку дадзены раздзел «Выніковае паўтарэнне».

Дадатковыя матэрыялы да дапаможніка (трэнажоры, тэсты, трэніровачныя кантрольныя работы, гістарычныя звесткі і задачы практычнага зместу) можна знайсці на сайце http://e-vedy.adu.by, курс «Матэматыка».