Сябры!

Вы пачынаеце вывучэнне новага раздзела школьнага курса біялогіі. 3 яго вы даведаецеся, як пабудаваны і функцыянуе арганізм чалавека. Зразумееце, што чалавек мае мноства анатамічных і фізіялагічных прымет, якія аб’ядноўваюць яго з іншымі млекакормячымі.

Аднак не ўсе якасці і здольнасці чалавека могуць быпь растлумачаны выключна з біялагічных пазіцый. Чалавек — глыбока сацыяльная істота. Сапраўды чалавечае фарміруецца ў ім у працэсе жыпця ў грамадстве, якое развіваецца па законах, адрозных ад біялагічных.

Такім чынам, як прадстаўнік жывёльнага свету чалавек падпарадкоўваецца законам біялагічнай эвалюцыі, а як суб’ект грамадска-гістарычнай дзейнасці і культуры — сацыяльным законам, па якіх жыве чалавечае грамадства.

Падчас напісання вучэбнага дапаможніка аўтары ўлічвалі важнейшы аспект сучаснай школьнай біялагічнай адукацыі — яе накіраванасць на выхаванне беражлівых адносін да ўласнага здароўя на аснове глыбокага пазнання свайго арганізма.

Сёння ўжо ні для каго не сакрэт, што нездавальняючы стан здароўя шмат у чым тлумачыцца няведаннем уласнага арганізма, яго анатама-фізіялагічных асаблівасцей. Авалодванне тэарэтычнымі ведамі і карыснымі гігіенічнымі навыкамі, прыёмамі загартоўвання і даўрачэбнай дапамогі — вось далёка няпоўны пералік таго, што пра-паноўваецца вывучыць у межах гэтага курса.

Атрыманыя веды дапамогуць вам правільна пабудаваць свой расклад дня, рацыянальна выкарыстоўваць час для вучобы і адпачынку, што несумненна палепшыць якасць жыппя і ўмацуе здароўе.

Спадзяёмся, што ў працэсе вывучэння гэтага курса ў вас сфарміруецца ўяўленне пра біялогію як пра жывую, цікавую і выключна важную для жыппя навуку.