Паважаныя школьнікі!

Інфарматыка ў сучасным свеце з’яўляецца адной з навук, што развіваюцца найбольш хутка. Кожны год удасканальваюцца інфармацыйныя тэхналогіі, з’яўляецца новае тэхнічнае, праграмнае і інфармацыйнае забеспячэнне камп’ютэра. Дадзены вучэбны дапаможнік прапануе Вам працягнуць вывучэнне інфарматыкі, інфармацыйных тэхналогій і праграміравання.

Першы раздзел вучэбнага дапаможніка дазволіць Вам даведацца, якім чынам захоўваецца інфармацыя ў камп’ютэры і як вымяраецца аб’ём інфармацыі.

Другі раздзел паглыбіць Вашы веды ў вобласці праграміравання. Вы пазнаёміцеся з новым тыпам даных — масівам — і навучыцеся рашаць задачы з выкарыстаннем гэтага тыпу даных.

У трэцім раздзеле Вы даведаецеся аб асновах анімацыі, пазнаёміцеся з відамі анімацыі, навучыцеся ствараць анімацыйныя фільмы.

У чацвёртым раздзеле прадстаўлены інфармацыйныя рэсурсы глабальнай камп’ютэрнай сеткі Інтэрнет. Вы даведаецеся аб службе WWW і аб спосабах пошуку інфармацыі.

Для замацавання вывучанага матэрыялу пасля параграфаў змешчаны пытанні, для практычнай работы дадзены практыкаванні.

Жадаем поспехаў!