Шаноўныя сямікласнікі!

Па гэтай кнізе вы пачнёце вывучаць раздзел матэматыкі, які называецца алгебра. Гэта навука вывучае аперацыі з разнастайнымі матэматычнымі аб’ектамі.

Кніга складаецца з чатырох раздзелаў, кожны з якіх падзяляецца на параграфы, дзе вы сустрэнеце наступныя ўмоўныя абазначэнні:

— заданні на паўтарэнне для падрыхтоўкі да вывучэння новага матэрыялу;
— новы тэарэтычны матэрыял і метады яго прымянення;
— алгарытмы;
— важныя правілы і сцверджанні;
— асноўныя прыклады з рашэннямі і падрабяз-ным апісаннем паслядоўнасці дзеянняў;
— вусныя пытанні і заданні;
— заданні для работы ў класе;
— заданні для дамашняй работы;
— заданні для паўтарэння;
— заданні павышанай складанасці.

Кожны раздзел вучэбнага дапаможніка заканчваецца раздзеламі «Практычная матэматыка», «Выніковая самаацэнка», «Займальная матэматыка». У іх вы адшукаеце задачы на пры-мяненне матэматыкі ў разнастайных галінах жыцця, пералік патрабаванняў да засваення тэарэтычнага матэрыялу і практычныя заданні для самаправеркі, а таксама задачы для тых, хто захапляецца матэматыкай.