Дарагія сямікласнікі!

Вы трымаеце ў руках вучэбны дапаможнік па інфарматыцы — прадмеце, вывучэнне якога дазволіць вам атрымаць неабходныя веды і уменні у галіне інфармацьшных тэхналогій, што сталі неад’емнай часткай нашага жыцця.

У цяперашні час даследаванні па інфарматыцы асабліва запатрабаваныя і актуальныя. Роля гэтай дысцыпліны ва ўмовах сучаснага свету ўсё больш узрастае. Мы, аўтары вучэбнага дапаможніка, паспрабавалі зрабіць так, каб вывучэнне інфарматыкі было для вас цікавым і захапляючым. Спадзяёмся, што атрыманыя веды вы зможаце выкарыстаць для рашэння практычных задач з розных прадметных галін.

Матэрыял вучэбнага дапаможніка падзелены на дзве калонкі. Колер фону дапаможа вам разабрацца ў прызначэнні размешчанай на гэтым фоне інфармацыі:
— асноўныя матэрыялы, абавязковыя для вывучэння;
— прыклады, якія ілюструюць асноўныя матэрыялы;
— азначэнні асноўных паняццяў;
— гістарычныя звесткі, інфармацыя пра вучоных, якія ўнеслі ўклад у развіццё інфарматыкі, і іншыя цікавыя факты.