Дарагі трэцякласнік!

У гэтым годзе ты працягнеш вывучаць вучэбны прадмет «Чалавек і свет». Ты даведаешся пра тое, што прырода Беларусі прыгожая і непаўторная. Сасновыя бары, бярозавыя гаі, бліскучыя стужкі рэк, спакопныя роўнядзі азёр, казачныя балоты — усё гэта своеасаблівыя асяроддзі. У кожным з іх растуць розныя расліны, жывуць разнастайныя жывёлы. Ты даведаешся, якой каштоўнасцю з’яўляюцца лясы, палі, балоты і чаму жывёлы балот не могуць жыць у лесе.

Ты навучышся знаходзіць патрэбны напра-мак на мясцовасці па компасе і без яго.

Вучэбны дапаможнік раскажа табе, чаму ў адных кутках Зямлі — вечназялёныя лясы, у іншых — спякотная пустыня. Яшчэ ты даведаешся, як уладкаваны арганізм чалавека. Якіх правіл трэба прытрымлівацца, каб вырасці здаровым і моцным.

Ты даведаешся пра тое, як дзейнасць чалавека ўплывае на прыроду. Ты, напэўна, хочаш, каб у нашых гарадах і вёсках былі прыгожыя сады і паркі, каб людзі дыхалі чыстым паветрам, пілі чыстую ваду. А для гэтага трэба быць сябрам прыроды і не толькі любіць, але і ведаць, разумець яе, клапаціцца аб ёй. Гэтаму навучыць цябе вучэбны дапаможнік.