Дарагія сябры!

У папярэднім класе вы вывучалі гісторыю цывілізацый свету першых двух перыядаў сярэдневякоўя — Ранняга і Высокага. 3 гэтага вучэбнага дапаможніка вы даведаецеся пра трэці перыяд сярэдніх вякоў — Позняе сярэдневякоўе.

3 дапамогай зместу ў канцы кнігі вы зможаце хутка арыентавацца ў вучэбным матэрыяле і знаходзіць патрэбныя раздзел і параграф. Тэкст кожнага параграфа падраздзяляецца на асноўны і дадатковы. Асноўны ўключае матэрыял, абавязковы для вывучэння і засваення. Дапытлівыя вучні змогуць азнаёміцца і з дадатковым тэкстам. Ён дадзены пад рубрыкамі «Гістарычная крыніца», «Гістарычная даведка» болын дробным шрыфтам. Асобным шрыфтам выдзелены і новыя словы: найболын важныя— паўтлустым, астатнія — курсівам.

3 дапамоган пытанняу і заданняу да тэкстау, карт, малюнкаў і схем вы праверыце свае веды і паразважаеце над вывучаным матэрыялам. Слоўнік забяспечыць вас даведачнай інфармацыяй і растлумачыць важнейшыя гістарычныя паняцці. Сінхранічная табліца дапаможа запомніць найболын значныя падзеі і параўнаць іх адну з другой. Карты дадуць магчымасць суаднесці час і прастору гістарычнай падзеі. А яркія і маляўнічыя ілюстрацыі дапоўняць расказ пра мінулае. Як бачыце, нічога складанага ў рабоце з падручнікам няма. Дык смялей адгарніце наступную старонку і пачынайце сваё падарожжа па захапляючым свеце сярэдневякоўя.

У добры шлях!