У 6-м класе працягваецца вывучэнне прадмета «Працоўнае навучанне». Матэрыял вучэбнага дапаможніка па абслуговай працы складаецца з некалькіх раздзелаў: «Асновы гатавання ежы», «Асновы стварэння швейных вырабаў», «Асновы дамаводства» і «Асновы вырошчвання раслін». Кожны з раздзелаў змяшчае тэарэтычную і практичную часткі. Пасля вывучэння тэарэтычнага матэрыялу праводзяцца практычныя работы ў вучэбных кабінетах, аснашчаных абсталяваннем і інструментамі для выканання спецыяльных відаў работ. У кожным раздзеле вучэбнага дапаможніка акцэнтавана ўвага на санітарна-гігіенічных патрабаваннях і правілах бяспечных паводзін у вучэбным кабінеце.

Параграф пачынаецца пытаннямі, якія дапамагаюць успомніць і замацаваць атрыманыя веды. Варта звярнуць увагу на ўмоўныя абазначэнні, якія спатрэбяцца для лепшага засваення тэмы ўрока: «Адкажыце на пытанні», «Запомніце», «Звярніце ўвагу», «Гэта важна». Матэрыял з сімвалам «У свеце цікавага» дасць магчымасць даведацца аб дадатковай інфармацыі па тэме.

У канцы параграфа ёсць пытанні, якія дапамагаюць праверыць, як засвоены вывучаны матэрыял. Рубрыка «Давайце абмяркуем» у канцы параграфа прадугледжвае сумеснае абмеркаванне адказаў на пастаўленыя пытанні, а таксама рашэнне творчых задач. Абапіраючыся на атрыманыя веды, пры жаданні можна самастойна дома выканаць практычныя заданні, якія прапануюцца ў рубрыцы «Выканайце самастойна».