Дерсликнен насыл чалышмакъ алгъанда.

Ер юзюнде къадимий заманлардан берли адамлар яшай эди: богъдай осьтюргенлер, багъларны беслегенлер, балаларны тербие-легенлер, оларны окъутып исрарлы олмагъа огреткенлер. Оларнынъ ана топрагъы гуллеп ве зенгин олгъаныны самимиетлик иле истей эдилер. Кечкен несиллерден мирас олып къалгъан бинъйыллыкъ теджрибе шаатлыкъ эткенине коре, эгер оларнынъ омрюнинъ эр бир куню хатырада къалып ве несиллернинъ вариети олып къалса, оларнынъ гонъюльдеки арзулары керчек олур. Озьлерининъ балаларына: «Келеджек кечмишсиз ич мумкюм олмаз», деген халкъ икметини васиет эткенлер.

Бу дерсликнинъ вазифеси — Украинаны огренювде биринджи басамакъ олмакътыр. Дерслик Украинанынъ кечмишинен таныштыра, эвельки девирлерде олгъан вакъиаларны анъламагъа огрете, айыры инсанларнынъ такъдирлерини корьмеге ярдым эте. Украинанынъ тарихы ве онынъ мешур эдиплеринен, девлет рехберлеринен, алимлернен, сераскерлернен, языджы, шаирлер ве рессамларнен, намуслы ве самимий хадимлернен танышув, сизлерни лякъайд къалдырмаз ве сизлерге озь Ватанынъызда акъикъий хайырсеверлер олып етишмеге ярдым этер.

Дерслик ойле тизильген ки, сизлер Украина топракъларында эвель заманларда олып кечкен вакъиаларны бильмекнен бир заманда, озьлеринъизни бу кечмишнинъ тедкъикъатчылары сыфатында да ис этеджексинъиз. Энди биринджи дерслерден башлап, кечмиштеки вакъиаларны тарихчы-алимлер насыл тедкъикъ эткенлерини огренеджексинъиз. Кечмиштеки левхаларны тасавур эткенде, янъылмамакъ ичюн, тарихчылар чыкъаргъан нетиджелерни тарихий менбаларнен къыяс этип — кечмиштеки вакъиаларнынъ шааты олгъан чешит мальземелерни косьтерелер. Дерслик сизлерни тарихий менбалар олгъан — къадимий китапларнынъ парчаларынен, хатырлавларнен, вакъиаларны корьгенлернен ве фоторесимлернен чалышмагъа огрете.

Сиз дерсликтен бильген бутюн вакъиалар белли бир вакъытта олып кечкен. Тарихчылар онынъ тарихы, яни олып кечкен йылы, айы ве кунюни тасдыкълайлар. Тарих ве арекетлерге коре хронологик меселелер къоюлгъан: оны чезмек ичюн сизлер кечмишни бильгенлер сыфатында белли бир вакъиадан шимдигедже, вакъиаларнынъ арасында къач йыл кечкенини эсап этеджексинъиз ве иляхре.

Кечмишнинъ эписи вакъиалары белли бир ерде кечкен. Олып кечкен ерини бельгилемек, тарихчылар ичюн пек муимдир. Тарихий хаританен мешгъулиет кечирип, онъа огренмек мумкюн.

{module Google (справа)}

{source}
<iframe class="pickFlip" data-src="https://s3.amazonaws.com/online.fliphtml5.com/opla/xleu/index.html#p=1" allowfullscreen=""></iframe>
{/source}

{module Comments}